NO IORG
نوچێن گرنگ

ئه‌ڤرۆنيۆز:

چالاكڤانێن عيراقى ل سه‌ر به‌رپه‌رێن تۆرێن جڤاكى وێنێن پره‌كێ ل (مه‌يدانا به‌يروت) ل جادا فلستينێ ل به‌غدا به‌لاڤ كريه‌ كو تووشى زيانێ بووى ژئه‌نجامێ بيڤه‌له‌رزا رۆژا ئێكشه‌مبيا بۆرى.

چالاكڤانێن ئه‌و وێنه‌ به‌لاڤكرين ترسا خوه‌ ژ هه‌رفينا وێ پرێ نيشان دده‌ن وره‌خنێ ژى ل حوكمه‌تا عيراقێ دگرن كو چو تيمێن تابه‌تمه‌ند يێن حكومى بۆ پرا ناڤبرى ب مه‌ره‌ما سه‌خبێركرنێ نه‌هنارتينه‌.

23472057_2019520264984986_2025038360664620697_n

ئه‌ڤرۆنيوز:

هه‌لبژارتيێ ئوستراليا ئه‌ڤرۆ سه‌ركه‌فت بۆ مونديالا رۆسيا 2018 پشتى ب سه‌ركه‌فتى ل سه‌ر هه‌لبژارتيێ هندۆراس ب سێ گۆلان به‌رامبه‌ر گۆله‌كێ ل باژێرێ سيدنى يێ ئوسترالى.

گێمێ ئێكێ بێ گۆل ب دووماهى هات ول گێمێ دويێ ئوستراليا سێ گۆل تۆماركرن ب رێيا هنرى فيگورا يێ هندۆراسى ب شاشى ڤه‌ ل خۆله‌كا 54 وميلى جيديناك دۆ گۆل ل خۆله‌كێن  72 و 85 كو هه‌ردو ب لێدانا به‌نه‌لتيێ تۆماركرن وگۆلا ئێكانه‌ يا هندۆراس ل خۆله‌كا 90 ودووماهيێ ژلايێ ياريكه‌رێ وێ ئه‌لبرت ئێليس.

ياريا ئێكێ دناڤبه‌را هه‌ردو هه‌لبژارتيان ل هندۆراس هاتبوو ئه‌نجامدان وتيدا وه‌كهه‌ڤ ببون بێ گۆل.

ئه‌ڤرۆنيۆز:

سكرتێرێ گشتيێ نه‌ته‌وێن ئێكگرتى، نامه‌ك ئاراسته‌ى سه‌رۆكێ حوكمه‌تا هه‌رێما كوردستانێ كر وتێدا پشته‌ڤانيا خوه‌ بۆ دانوستاندنان دناڤبه‌را به‌غدا وهه‌رێمێ ل دووڤ دستوورى كر.

ئه‌ڤرۆ نيچيرڤان بارزانى سه‌رۆكێ حوكمه‌تا هه‌رێمێ وقوباد تالبانى جێگرێ وى، ل گه‌ل يان كۆبيش نوونه‌رێ تايبه‌تێ سكرتێرێ گشتيێ نه‌ته‌وێن ئێكگرتى ل عيراقێ كۆمبوو.

كۆبيش ناما (ئه‌نتونيۆ گۆتيرێس) گه‌هانده‌ نێچيرڤان بارزانى ول دووڤ راگه‌هاندنه‌كا جڤاتا وه‌زيرێن هه‌رێمێ، گۆتێريس خوه‌شحاليا خوه‌ دياركر كو هه‌ريمێ وبه‌غدا چه‌ندين جاران به‌رهه‌ڤيا خوه‌ بۆ دانوستاندنان دياركريه‌ وئاماده‌بوونا نه‌ته‌وێن ئێكگرتى بۆ هه‌ڤكاريێ ددانوستاندندا دناڤبه‌را هه‌ردولا ده‌ربرى وگۆت، هه‌ردولا هان دده‌م كو پێنگاڤێن پێدڤى ب هاڤێژن بۆ دابينكرنا ده‌ليڤه‌كا گونجاى ل پێناڤى ده‌ستپێكرنا دانوستاندنه‌كا راسته‌قينه‌.

ژلايێ خوه‌ڤه‌ نێچيرڤان بارزانى ئاماژه‌ دا كو هه‌رێما كوردستانێ وه‌كو هه‌موو جاران، يا به‌رهه‌ڤه‌ هه‌موو كێشان ل گه‌ل عيراقێ ب دانوستاندنێ دچارچۆڤێ دستوورى دا چاره‌سه‌ربكه‌ت.

 

 

ئەڤرۆ نيوز، نيوار محه‌مه‌د سه‌ليم:
وەزارەتا کارەبا ھەرێما کوردستانێ گرێبەستەک ل گەل کۆمپانیەکا تورکی ب مەرەما “کۆنترۆلکرنا سیستەمێ کارەبا ھەرێمێ و کێمکرنا ب ھەدەردانا وزا کارەبێ” ئیمزا کر.

1254815112017_1jpj.jpg
گرێبەست ئەڤرۆ رۆژا چارشەمبی رێکەفتی 15ی چریا دویێ 2017 د ناڤبەرا ھۆگر شالی بریکارێ وەزارەتا کارەبێ و نوونەرێ کۆمپانیا ئۆسکۆم یا تورکی ھاتە ئیمزا کرن کو ناڤێ “گرێبەستا منی سکادا” یە.

4154815112017_3jpj.jpg
ب گۆرەی راگەھاندنا وەزارەتا کارەبا ھەرێما کوردستانێ، ھۆگر شالی، بریکارێ وەزارەتێ بەحس ل وێ چەندێ ھاتیە کرن کو پرۆژە بۆ جارا ئێکێ یە ل ھەرێما کوردستانێ دھێتە بجھئینان و “رۆلێ برێڤەبرنا سیستەمێ کارەبێ و کێمکرنا ب ھەروەدانا وزا کارەبێ و کێشا ژ کارکەفتنا یەکێن ویستگەھێن بەرھەمئینانا کارەبێ ھەیە”.

4653815112017_2jpj.jpg
ئاماژە ب وێ چەندێ ژی کریە کو “منی سکادا” پرۆژەکە بۆ کونترۆلکرنا رێکخستنا سیستەمێ کارەبێ ل سەر قەرزێ جایکا یا یابانی ب کۆژمێ زێدەتر ژ چار ملیۆن و 500 ھزار یورۆیان، ژ رۆژا دەست ب کاربوونا پرۆژەی ھەتا 9 ھەیڤان دێ ھێتە بجھئینانا و پەیوەندی د ناڤبەرا 11 ویستگەھێن بەرھەمئینانا کارەبێ و 12 ویستگەھێن گوھۆڕینا کارەبێ رێک دئێخیت.

ئه‌ڤرۆنيۆز، عه‌زيز هه‌ورامى

بيڤه‌له‌رزه‌كێ ئه‌ڤرۆ سپێدێ پێنج جاران ل سه‌ر ئێك ل ده‌ڤه‌را به‌مۆ يا ب سه‌ر پارێزگه‌ها هه‌له‌بجه‌ ڤه‌ دا ودئه‌نجامدا پشكه‌ك ژچياى ئينا خار ورێيا هاتنوچوونێ راوه‌ستاند.

عادل مه‌لا سالح بۆ ئه‌ڤرۆنيۆز گۆت( ئه‌ڤرۆ ل ده‌مژمێر دويێ سپێدێ شه‌ش جاران بيڤه‌له‌رزێ ناحيا به‌مۆ يا سه‌ ر ب پارێزگه‌ها هه‌له‌بجه‌ ڤه‌ هه‌ژاند وپشكه‌ك ژ چيايێ هنداڤى سه‌نته‌رێ ناحيێ روخاند ورێيا هاتنوچوونێ راوه‌ستاند).

رێڤه‌به‌رێ ناحيا به‌مۆ دبێژيت( سه‌ره‌راى گرتنا رێيا ناحيێ، ترس ژى ل سه‌ر گيانێ شۆفێرێن هاتنوچوونێ ل وێ رێ دكه‌ن يا هه‌ى).

ئه‌ڤرۆنيۆز:

وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند، پرۆژێ ب نيڤده‌وله‌تيكرنا زانكۆيان ب گۆژمێ مليۆن يورۆيان كه‌فته‌ دوارێ بجهئينانێ دا.

ل دووڤ راگه‌هاندنه‌كا وه‌زاره‌تا خواندنا بلند ل هه‌ريمێ، ل رۆژێن 8 هه‌تا 11 ڤێ مه‌هێ، شانده‌كێ بلندێ وه‌زاره‌تا ناڤبرى ل باژێرێ (گوتينگن) يێ ئه‌لمانى پشكدارى دكۆمبوونا ئێكێ يا پرۆژێ (TIGRIS) كو ب هه‌ڤكاريا پرۆگرامێ (+Erasmus) يێ ئێكه‌تيا ئورۆپى وزانكۆيا (Gottingen) يا ئه‌لمانى وچارزانكۆيێن دى يێن ئورۆپى وه‌كو پارتنه‌رى كه‌فتنه‌ دوارێ بجهئينانێ دا.

دوى پرۆژه‌ى دا، وه‌زاره‌تا خواندنا بلند وده‌سته‌يا كوردستانى بۆ ڤه‌كۆلينێن ستراتيژى وزانستى وزانكۆيێن ( سه‌لاحه‌ددين، سلێمانى، چه‌رموو، راپه‌رين،هه‌له‌بجه‌،زانكۆيێن پۆليته‌كنيك ل هه‌ولێرێ وسلێمانيێ ودهۆكێ) د پشكدارن، كو پرۆژێ ناڤبرى دێ يێ تايبه‌ت بيت ب دروستكرن وب هێزكرنا شيانێن مامۆستايان وب نيڤده‌وله‌تيكرنا زانكۆيێن كوردستانێ.

وه‌زاره‌تا خواندنا بلند دوێ راگه‌هاندنا خوه‌دا خوياكر، بجهئينانا وى پرۆژه‌ى دێ ده‌رگه‌هه‌كێ دى ل به‌رده‌م زانكۆيێن كوردستانێ ڤه‌كه‌ت بۆ بلندكرنا شيانێن زانستى يێن مامۆستايان وئاشنابوون ب پێشكه‌فتنا جيهانێ، زێده‌بارى بده‌ستڤه‌ئينانا ده‌ليڤا خواندنا بلند (ماسته‌ر ودكتۆرايێ) بۆ قوتابيێن كورد ل زانكۆيێن ئه‌لمانيا وچيك.

ئەڤرۆ نیوز ، نەوزاد ھلۆری:
پەرلەمانێ کوردستانێ لسەر چەند پرسەکان د کوومبوونێ دایە ب تایبەتی لسەر پرسا بودجا عیراقێ و پشکا بودا ھەرێمی ، و پرژە قانونا لێبورینا گشتی و قانونا کرێدانا خانویان.

ل گورەی ئەوێ راگەھاندنا کو پەرلەمانێ کوردستانێ ل مالپەرا خوە بەلاڤکری ، ئەڤرۆ چوار شەمبی رێکەفتی 15 چریا دوویێ 2017 پەرلەمانێ کوردستانێ کو پرانیا فراکسوونا پشکدارن کومبوو ، سەروکاتیا پەرلەمانێ کوردستانێ رونشتنا ھژمار پێنج یا ئاسایی خوە یا خولا پایزی لسەر چوار خالان ئەنجام ددەت و د راگەھاندنا وان دا ھاتیە : ( خواندنا ئێکێ دێ بو پروژە قانونا ماددەیا 71 یا پەیرەوێ نافخوەیێ پەرلەمانێ کوردستانێ ھژمار 1 یا سالا 1992 یا ھەموارکری کەت کو تایبەتە ب کرێدانا خانویان یا ھژمار 87 یا سالا 1979 یا ھەموارکری ، پروژە قانونا لێبورینا گشتی یا ھەرێما کوردستانێ ، دیسان جێھگرتن و سوندخوارنا موستەفا ئەحمەد حەمەد ل شوونا ئەندامێ دەستکارکێشای گوران ئازاد محەمەد ل گورەی ماددەیا 31 یا پەیرەوێ نافخوە)

د راگەھاندنا پەرلەمانێ کوردستانێ ھاتیە ژی کو دێ چاڤ خشاندنەک ژی د دەستکارکێشانا ئاری محەمەد ھەرسین ژی دا ھێتەکرن ، و دی َدانوستاندنێ لسەر پرۆژە پێشنیازکریێ حکومەت فیدرالی یا عیراقێ بو سالا 2018 ژی و پشکا بودجا ھەرێما کوردستان و شایستەیێن دارایی ھێتەکرن)

ئەڤرۆ نیۆز، رەمەزان ھەرنی :

رێڤەبەرێ ئاسایشا خورماتوو خویاکر كو پشتی 16ى چريا ئێكێ ھەموو مالێن کوردا ل قەزا خورماتوو ئاوارە بووینە و د رەوشەکا گەلەک خراب دا دژین، هه‌كه‌ نوکە باژێرێن وان بھێنە ئازاد کرن ژی نەشێن ڤەگەرنەڤە سەر مال و حالێن خوە ژ بەر کو مالا چو کوردەکى نەمایە دەستکاری نەکربیت، “ئەو باژێر ھاتیە وێرانکرن”.

عەقید کاوە مەلا پەروێز رێڤەبەرێ ئاسایشا خورماتوو بۆ ئەڤرۆ نیۆز گۆت: “ب شەڤ و رۆژ پەیقاندن و تالانکرنا مالێن کوردا ل ناڤ خورماتوو و دەوروبەرا يا بەردەوامە، چو تشت بۆ کەسێ نە ھێلایە”.

زێده‌تر گۆت: “حەشدا شەعبی و سۆپایێ عیراقێ كولان كولان دگەريێن و مالێن کوردان دکەنە ئامانج، چەکدارێن نوکە ل ناڤ خورماتوو دڤێت خورماتوو بکەنە باژێرەکێ شیعەیان ببیتە مولکێ وان، لەورا ڤان تاوانان ئەنجام ددەن دا کو خەلک نەڤەگەرن، گەھشتیە وی رادەی دەستدرێژی کریە سەر ژنێن ل دەڤەرێ”.

رێڤەبەرێ ئاسایشا خورماتوو خۆياكر كو نوکە رەوشا دەڤەرێ گەلەک یا ئالوزە ھەتا ھێزەکا نێڤدەولەتی سەرەپەرشتیا وێ دەڤەرێ نەکەت و ژ دەستێ حەشدا شەعبی و سۆپایێ عیراقێ نه‌ئينيته‌ ده‌ر، دێ رۆژ بۆ رۆژێ خرابتر بیت، کەس نەشێت ڤەگەرێتە سەر مال و حالێن خوە.

عه‌قيد كاوه‌ ئاشكه‌را ژى كر كو باشترین دەلیڤەیە ھێزەکا ھەڤپشکا نێدڤدەولەتی بھێتە دەڤەرێ بۆ دوورکرنا حەشدا شەعبی و سۆپایێ عیراقێ، “نوکە پشكه‌كا تورکمانان ژی بووینە ئەگەرێ پەیداکرنا نەخوشیێ و نەئارامیێ ل وێ دەڤەرێ”.

ب باشى ژى زانى كو د ڤى ده‌مى دا ل UN و جڤاکا ئاسایشا نێڤدەولەتی سكالا ل دژی ڤان چەکداران بهێنه‌ تۆمارکرن کو دوور ژ بنەمایێن شەری و ب سیاسی و ب کەرب یێ ھەموو جورێن خرابیێ و بن پێکرنا مافێن مرۆڤان دکەن.

رێڤه‌به‌را ئاسايشا خورماتوو ل دووماهيێ ژى گۆت: “هه‌كه‌ رێگری ل ڤان چه‌كداران نەھێتە کرن، چو قەزا و ناحیەک ل کەرکووک نامینن نه‌بنه‌ شیعە”.

ئەڤرۆ نيوز، نیوار محەمەد سەلیم:
رێڤەبەریا بەرەڤانیا باژێری ل دھۆکێ راگەھاند کو ئەڤ سالە ل سنورێ پارێزگەھا دھۆکێ روودانێن ئاگربەربوونێ زێدە بووینە و یێن خەندقینێ ژی کێم بووینە. ئاشکەرا ژی کر کو ب رەنگەکێ گشتی ئەڤ سالە ژ سالا بۆری باشترە.
رائیدێ مافپەروەر بێوار عەبدولعەزیز، بەرپرسێ پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ د داخۆیانیەکێ دا بۆ ئەڤرۆ نيوز گۆت: “د ماوێ 10 ھەیڤێن بۆری دا ل سنورێ پارێزگەھا دھۆکێ 1313 روودانێن ئاگربەربوون و خەندقینێ رووداینە”.
زێدەتر گۆت: “ژ ئەنجامێ ڤان روودانان 26 کەسان ژ ئەگەرێ سۆتنێ گیانێ خوە ژ دەست دایە و 27 کەس ژی د ناڤ ئاڤ و رووباران دا خەندقینە، 61 کەس ژی ب روودانێن سۆتنێ بریندار بووینە”.
رائیدێ مافپەروەر ئاشکەرا ژی کر کو ئەڤ سالە رێژا روودانان ژ سالا بۆری باشتر بوو ب رەنگەکی سالا بۆری زێدەتری ھزار و 500 روودانان ھەبوون و گۆت: “د وان روودانان دا 26 کەس ھاتبوونە سۆتن کو ئەڤ رێژە ژ یا ئەڤ سالە زێدەتر بوو، بەلێ سالا بۆری 35 کەس خەندقی بوون و ئەڤ رێژە گەلەک ژ یا ئەڤ سالە زێدەترە”.
بەرپرسێ پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ ئەڤ سالە ب کۆژمێ چار ملیار و 790 ملیۆن دینارێن عیراقی زیانێن سۆتنێ ھەبووینە.

ئەڤرۆ نيوز:
پشتی روودانا ئەردھەژێ ل ب تایبەت کرمانشان یا رۆژھەلاتێ کوردستانێ و ژمارەکا زۆر یا وەلاتیان بوونە قوربانی، دەزگەھێ خێرخوازی یێ بارزانی ژی ئامادەیا خوە بۆ ھاریکاریکرنا لێقەومیێن وێ دەڤەرێ دەربری و دا زانین کو د ئامادەنە ھاریکاریا بگەھیننە کرمانشان.
د ڤێ دەربارێ دا، ئیبراھیم سەمین ئەندامێ دەستەیا کارگێری یا دەزگەھێ خێرخوازی یێ بارزانی د داخۆیانیەکێ دا راگەھاند کو پشتی روودانا ئەردھەژا باشوور و رۆژھەلاتێ کوردستانێ ئەوان وەکو دەزگەھێ خێرخوازی یێ بارزانی ئامادەیا خوە بۆ گەھاندنا ھاریکاریان بۆ لێقەومیان دەربڕیە.
گۆتژی: بۆ ڤێ مەرەمێ مە ب فەرمی داخوازی پێشکێشی قونسلخانا ئیرانێ ل ھەولێر کریە و تێدا ئامادەکاریا خوە بۆ لێقەومیێن ئەردھەژێ دیارکریە و ئەوان ژی گۆتیە کو دێ داخوازیا مە بلند کەت و پاشان دێ مە ئاگەھدار کەن.
ئەڤ بابەتە د دەمەکی دایە کو پشتی روودانا ئەردھەژێ چەندین وەلاتێن ئورۆپی و نەتەوێن ئێکگرتی ژی ئامادەیا ھنارتنا ھاریکاریان دەربڕیە، بەلێ ئیرانێ ھەموو ئەو داخوازی رەتکرینە و دوھی محەمەد جەواد زەریف وەزیرێ ژ دەرڤە یێ ئیرانێ د داخۆیانیەکێ دا بۆ میدیا ئیرانی راگەھاند کو ئەوان پێدڤی ب ھاریکاریا چو لایەنەکی نینە و ئەو ب خوە دشێن کونترۆلا بابەتی بکەن.
ئەڤ ھەلویستێ ئیرانێ د دەمەکی دایە کو ماوێ دو رۆژا ئەردھەژ روودایە، بەلێ وەکو پێدڤی ھاریکاریا حوکمەتێ بۆ لێقەومیان و خەلکێ زەرەرمەند گەلەک یا کێمە و ھەتا نوکە ب سەدان تەرم د بن دیوار و داران دا ماینە و ب ھزاران خەلک ئاوارە بووینە و جھێن بنەجھبوونێ نینە، ب گۆرەی پێزانینان ل پتریا باژێر و باژێرکێن رۆژھەلاتێ کوردستانێ رێکخراوێن مەدەنی و وەلاتیان ھاریکاری گەھاندینە لێقەومیان، بەلێ حوکمەت رێگریێ لێ دکەت ب بەھانەیا وێ چەندێ کو دڤێت ھاریکاری د رێیا حوکمەتێ دا بن.

website security
WP Facebook Auto Publish Powered By : XYZScripts.com