NO IORG
نوچێن گرنگ

ئەڤرۆ نیوز:

سەرۆکێ حوکمەتا هەرێما کوردستانێ مەسرور بارزانی پێشوازی ل ماتیۆ تولەر بالیۆزێ ئەمریکا ل عیراقێ کر و د هەڤدیتنێ دا بالیۆزێ ئەمریکا دیار کر پێشڤەچوونێن باش د ناڤبەرا هەولێرێ و بەغدایێ هەنە و ئەمریکا پشتەڤانیێ ل چارەسەرکرنا ئاریشان دکەت.

ژ ئالیێ خوە ڤە سەرۆکێ حوکمەتا هەرێما کوردستانێ ژی دیار کر کو مە چەندین بژاردە بۆ چارەسەرکرنا ئاریشان دیار کرینە و مە دڤێت ئاریشێن خوە ل گەل عیراقێ ب رێیا دستووری چارەسەر بکەین.

ئەڤرۆ نیوز، زنار تۆڤی:

ب فەرمانا مه‌سرور بارزانى سەرۆک وەزیرێن هەرێما کوردستانێ، خالد شوانی بۆ برێڤەبرنا دۆسیا دانوستاندنێن د ناڤبەرا حوکمەتا هەرێما كوردستانێ و حوکمەتا عێراقێ هاتە دەستنیشانكرن. خالد شوانی ئەڤرۆ چارشەمبی 18-9-2019 د کۆمبوونا جڤاتا وەزیران و ب فەرمانا مەسرور بارزانی، سەرۆک وەزیرێن هەرێما کوردستانێ ئەو پۆستە نوو وەرگرت. هەروەسا خالد شوانی دێ ڤی کاری کەت، ب هەماهەنگی ل گەل سەرۆکێ دیوانێ و سکرتێرێ جڤاتا وەزیران، دیسان سەرۆکاتیا حوکمەتێ راگەهاندیە، ئەم فەرمانە ل رێکەفتا دەرچوونێ دێ هێتە جێبەجێ کرن.

5332616102018_15102018

ئەڤرۆ نیوز:

ئەڤرۆ سەرۆک مەسعود بارزانی پێشوازی ل د. بەرهەم سالح سەرۆک کۆمارێ عیراقێ و شاندێ د گەل دا کر کو ژ د. فوئاد حسێن جێگرێ سەرۆک وەزیران و وەزیرێ دارایێ و هژمارەکا شیرەتکاران پێکهاتبوو.

د کۆمبوونێ دا بەحسێ ئاریشێن د ناڤبەرا هەولێرێ و بەغدایێ و چاوانیا چارەسەرکرنا وان هاتە کرن، هەروەسا مەترسیا داعشێ و گرۆپێن دی یێن تیرۆرستی ل عیراقێ ژی بابەتەکێ دی یێ کۆمبوونا سەرۆک بارزانی ل گەل سەرۆک کۆمار و شاندێ حوکمەتا عیراقێ بوو.

ئەڤرۆ نیوز ، زنار تۆڤی:

د. دارا ڕەشید وەزیرێ پلاندانانا حكومەتا هەرێمێ دیارکر: کو كێشێن دناڤبەرا هەرێم و بەغدا ل سەر بودجەی و كێشا وێ نەفتێ بوو كو 250 هزار بەرمیل بوو، لدووڤ پرۆژەقانوونا بودجێ سالا 2019 نەفتێ ڤرێکەت یان نەڤرێکەت، پێدڤیە بودجە بهێتە رەوانە کرن بەلێ دشێت پارێ وان 250 هزار بەرمیلان ڤەگەرینیت د بودجێ سالا 2019 ب ڤی رەنگی هاتە جێبەجێ‌ كرن.

دەربارەی بزاڤێن هەرێمێ د پرۆژە قانوونا بودجێ سالا داهاتی دا، د. دارا ڕەشید ئاماژێ ب هندێ ددەت، کو ئەم یێ نێزیکی سالا 2020 دبین و هەموو كۆمبوون ژی بۆ هندێ نە کو بشێین د بودجێ سالا 2020 كێشەیان چارەسەر بکەین ب تەمامی بۆ هندێ بگەهینە رێكکەفتنێ و خۆشبەختانە نێزیك بونەکا زۆر باش هەیە دناڤبەرا هەردو ئالیان ب رەنگەکێ کو د بودجا سالا 2019 رێكکەفتنەک هەبوو دناڤبەرا مە و وان دا، كێشە ژ 250 هزار بەرمیلێن نەفتێ بوو، کو هەرێمێ نەفت نە هنارت.
وەزیرێ پلاندانانێ گۆت ژی: بۆ تێپەراندنا پرۆژە قانوونا بودجێ سالا 2020 هەموو بزاڤان دکەین کو ئەڤ كێشە نەمینن، ب رەنگەکێ نەفت بهێتە هنارتن، یان ژی ب تەمامی ئەڤ کێشە بهێتە چارەسەر کرن، بۆ هندێ پارە ب تەمامی بهێتە هنارتن، کو مووچێ پێشمەرگە و بودجێ گەشەپێدانێ و شایستێن دارایی یێن هەرێما كوردستانێ ب خوەڤە دگریت.
هەروەسا د.دارا رەشیدی دیار کر ژی: هەر ل دەستپێکا كابینا نەهێ، هەرێم یا جدی بوو ل سەر هندێ کو ل گەل بەغدا بگەهیتە چارەسەریێ، د ئێکەم كۆمبوونا جڤاتا وەزیران و پاشی وەفدەکێ بلند ب سەرۆكاتیا سەرۆكێ حوکمەت و جێگرێ سەرۆكێ حوکمەتێ سەرەدانا بەغدا كر و مە نیازپاکیا خوە بۆ وان نیشاندا، وەك حوکمەتا هەرێمێ د ئامادەینە بۆ رێكکەفتنێ.
دەربارەی چوونا وەفدێ هەرێمێ بۆ بەغدا د ڤێ حەفتیێ دا، وەزیرێ پلاندانانێ ئاماژێ ب هندێ دکەت، کو بریاربوو دوهی وەفدەک كو ئەو ژی ئەندام بوو سەرەدانا بەغدا بكەت، بەلێ بەغدا دەستپێشخەر كر و سەرۆك كۆمار و جێگرێ سەرۆك وەزیران و وەزیرێ دارایی یێ عیراقێ سەرەدانا هەرێمێ كریە و بریارە سەرۆكێ جڤاتا نوونەران ژی سەرەدانا هەولێرێ بكەت، ئەڤە ژی وێ چەندێ دیار دکەت، کو لێک نێزیك بوونەکا باش هەیە و بزاڤێن جددی دهێنە دا بۆ رێكکەفتنێ.

ئەڤرۆ نیوز ، زنار تۆڤی:

وەسا بریارە‌ ئەڤرۆ چارشەمبی و ل دە‌مژمێر ١١ و ب بە‌رھە‌ڤبوونا وە‌زیرێ ئاڤە‌دانكرنێ یێ حوکمەتا هەرێما کوردستانێ پێنج كیلومە‌تر ژ پرۆژێ چێكرنا رێیا جووتسایدێ روڤیا-گوپال بھێتە‌ ڤە‌كرن.

ئەڤرۆ نیوز:

بەری دەمەکێ سەرۆک کۆمارێ عیراقێ بەرهەم سالح ل گەل فوئاد حسێن وەزیرێ دارایی یێ عیراقێ گەهشتنە هەولێرێ و ژ ئالیێ نێچیرڤان بارزانی سەرۆکێ هەرێما کوردستانێ پێشوازی لێ هاتە کرن.

سەفین دزەیی بەرپرسێ فەرمانگەها پەیوەندیێن دەرڤە یێن هەرێما کوردستانێ ژی بەری نها دیار کربوو کو بریارە د سەرەدانا خوە دا سەرۆک کۆمارێ عیراقێ ل گەل سەرۆک بارزانی، سەرۆکێ هەرێما کوردستانێ و سەرۆکێ حوکمەتا هەرێما کوردستانێ کۆمبیت.

ئەڤرۆ نیوز:

ئەڤرۆ ل باژێرێ هەولێرێ د رێورەسمەکێ فەرمی دا ب ئامادەبوونا شاندەکێ وەلاتێ هندستانێ، نێچیرڤان بارزانی سەرۆکێ هەرێما کوردستانێ پەردە ل سەر پەیکەرێ مەهاتما غاندی رێبەرێ نەتەوی یێ هندستانێ هاتە لادان.

رێورەسم ل پارکا سامی عەبدولرەحمان برێڤە چوو و گەلەک بەرپرسێن حوکمی یێن هەرێما کوردستانێ و شاندەکێ وەلاتێ هندستانێ ب سەرۆکاتیا ڤێرماڤالی دەهاران وەزیرێ دەولەتا هندستانێ بۆ کاروبارێن دەرڤە تێدا ئامادە بوون.

زاخۆ، عەلی حاجی :
رێڤەبەریا گشتی یا كاروبارێن شەهید و ئەنفالكریان ل پارێزگەها دهوكێ‌ و ب ئامادەبونا وەزیرێ‌ كاروبارێن شەهید و ئەنفالكریان ل هەرێما كوردستانێ‌ ، سالڤەگەرا 50 یا كۆمكوژیا گوندێ‌ صوریا شەهیدان ل زاخۆ هاتە گێرا.
ئەلێكسان ئەندرێیان، ئێك ژ كەس و كارێن قوربانیان بۆ ئەڤرۆ دیار كر روودانا گوندێ‌ (صوریا شەهیدان) ئێك ژ مەزنترین تاوانێن هاتینە هاتینە ئەنجام دان و د وی دەمی دا ژیێ‌ من 14 سال بوون، د نوكە دا مونومێنتەك بۆ شەهیدێن ڤێ‌ كۆمكوژیێ‌ هاتیە دروست كرن، بەلێ‌ هەمی نەهاتیە ب دووماهی ئینان و پشكەكا وێ‌ مایە، لەورا ئەم داخواز ژحوكمەتا هەرێما كوردستانێ‌ دكەین وێ‌ مونومێنتێ‌ ب دووماهی بینیت،هەروەسا رێیا سەرەكی یا گوندێ‌ مە هەتا نوكە نەهاتیە دروست كرن و ئەو جادە بهێتە قیركرن ب ئێكجاری و هەتا نوكە ژی خێزانێن 10 شەهیدێن وێ‌ كومكوژیێ‌ بێ‌ موچەنە و ئەم داخاز دكەین موچێ‌ وان ژی بهێتە دروست كرن وەكو هەمی شەهیدێن ڤێ‌ كومكوژیێ‌ و ئەڤ چەندە ژی من گەهاندی یە وەزیرێ‌ كاروبارێن شەهیدان و ئەنفالكریان.
چیا‌و پتروس بۆ ئەڤرۆ نیوز گوت : ئەڤ كومكوژیا هاتیە ئەنجام دان دژی هەمی پرەنسیپێن جیهانی و مروڤایەتی بوون و هەتا نوكە بۆ ڤێ‌ كومكوژیێ‌ ژی هیچ رێكارەكا قانوونی نەهاتیە ئەنجام دان، ب دوكیومیێنتكرنا ڤان كۆمكوژیان و ب هەبوونا چەند بەلگەیان ڤێ‌ كەیسێ‌ ب رێیا لایەنێن بجهئینانێ ل كوردستانێ‌ كار بۆ بكەین و پاشی ب رێیا حوكمەتا هەرێما كوردستانێ‌ ڤێ‌ كەیسێ‌ بكەتە كەیسەكا نێڤدەولەتی و جهێ‌ خوە بگریت داكو ب جینوساید ب هێتە نیاسین ببیتە رێیەك جیهان بزانیت چو كارەكێن دژی مروڤایەتی هاتیە ئەنجام دان دگەل خەلكێ‌ سڤیل .
ژلایێ‌ خوەڤە بەرەڤان حەمدی برێكارێ‌ وەزیرێ‌ كاروبارێن شەهید و ئەنفالكریان بۆ ئەڤرۆ ئاشكەرا كر ڤێ‌ كۆمكوژیێ‌ تایبەتمەندیا خوە هەیە ژبەر ڤێ‌ چەندێ‌ ئەڤ سالە ب شێوەیەكێ‌ بەرفرهە مە سالڤەگەرا 50 یا كۆمكوژیا گوندێ‌ (صوریا شەهیدان) ساخ كر، وەكو داخوازیێن كەس و كارێن قوربانیان كو مونومێنتا وێ‌ كۆمكوژیێ‌ و دیكیومێنكرنا بەلگەییان د بەرنامەیێ‌ وەزارەتا كاروبارێن شەهید و ئەنفالكریان دایە و د پلانا ئەڤ سالە دایە و دێ‌ د ئەڤ سالە دا هێتە بجهئینان،بۆ چێكرنا رێیا ڤی گوندی ژی مە نڤیسارەك رەوانەی پارێزگەها دهوكێ‌ كریە دا كو دو كێلومەترێن جادە یا وان ژی بهێتە دروست كرن و مە چەند پارێزەر یێن هەین بۆ كەیسێن تاوانان بۆ وێ‌ یەكێ‌ كو ئەڤ تاوانە بریارا دوماهی پێ‌ بهێتە دان و بهێنە قەرەبووكرن ل بەغدا و یا ژهەمیێ‌ گرنگتر ژی ل دەڤ مە ئەو پێكڤە ژیان و برایەتیا مەسیحی و موسلمانایە د وی گوندی دا.

ئەڤرۆ نیوز:

مەسرور بارزانی سەرۆکێ حوکمەتا هەرێما کوردستانێ د پەیامەکێ دا ژ بەر سالڤەگەرا کومکوژیا گوندێ سۆریا یا سەر ب پارێزگەها دهۆکێ دیار دکەت کو رژێما بەعسا ژناڤچوویی تاوانێن مەزن دەرحەق مرۆڤاتیێ کرینە و کومکوژیا گوندێ سۆریا یا سەر ب پارێزگەها دهۆکێ کو تێدا ب دەهان وەلاتیێن سڤیل یێن مەسیحی، ئاشوری سریانی موسولمان تێدا بوونە قوربانی ژی ئێکە ژ تاوانێن رژێما بەعسی.

مەسرور بارزانی د پشکەکا دی یا پەیاما خوە دا دیار دکەت کو هەرێما کوردستانێ جهێ پێکڤەژیانا هەموو ئایین و نەتەوانە ژ بۆ دادوەری و وەکهەڤیێ.

ئەڤرۆ نیوز، نەوزاد هلوری

د دەما هەشت روژێن بوری یێن فلمە ڤیستەڤالا دهۆک یا نیڤدەولەتی پتری 13 هزار کەسان سەرا هولێن نیشاندانا فلمان کریە.

ئەحمەد مشەختی، بەرپرسێ پشکا پەیوەندیان یا حەفتەمین فلمە ڤیستەڤالا دهۆک یا نیڤدەولەتی تایبەت بۆ ئەڤرۆ نیوز گوت: (ددەما هەشت روژێن بوری ل هەموو هولێن نیشاندانا فلمان پینج هزار و 645 تکێت هاتینە فروتن، دیسان لروژا ئێکێ دوماهیێ و پارکا ئازادی ژی کو یا بێ بەرامبەر و ڤەکری بو دناڤبەرا حەفت بو هەشت هزار کەسان بینەریا فلمێن ڤیستەڤالێ کریە).

زیدەتر گوت: (ئەڤ سالە هەمبەری سالێن بوری، سەرەدانا هولێن فلمان زێدەتربوون، ژبەرکو ئەڤسالە باشتر خزمەتا ڤیستەڤالێ هاتیەکرن).

website security
WP Facebook Auto Publish Powered By : XYZScripts.com