NO IORG
نوچێن گرنگ

ئه‌ڤرۆ نیۆز، عه‌دنان رێكانى:
ژێده‌ره‌كێ دناڤ هێزێن پێشمه‌رگه‌ێ هه‌رێما كوردستانێ بۆ ئه‌ڤرۆ نیۆز راگه‌هاند، توپخانا پێشمه‌رگێ هه‌رێما كوردستانێ یێن ل میحوه‌رێ باكورێ رۆژهه‌لاتا مووسل ب دژوارى بنگه‌هێن چه‌كدارێن تیرۆرستێن داعشێ توپبارانكرن، ئه‌نجامێن وێ توپبارنكرنێ دو چه‌كدارێن تیرۆرست هاتن كوشتن كو دڤیان به‌ر ب مووسلێ ڤه‌ ب ره‌ڤنل سێریانا عه‌زاوى ل رۆژهه‌لاتا به‌عشیقه‌ و ته‌رمێن وان دجهدا مان.
ئه‌فسه‌رێ نه‌ڤیایى ناڤێ خوه‌ ئاشكرا بكه‌ت گۆت: هێزێن پێشمه‌رگه‌ى یێن ل سه‌ر چیایێ به‌عشیقه‌ دربێن دژوار ب مووشه‌كێن توپخانه‌یا گران و ناڤێن بنگه‌هێن داعشیا تیرۆرست توپبارنكرن، هه‌روه‌سا خوه‌یاكر، بجهئینانا ئارمانجێ گه‌له‌ك یا هوربین بوو و هه‌موو بزاڤێن چه‌كدارێن داعشێ تێكدان.

ئه‌ڤرۆ نیۆز، عدنان رێكانى:
ژێده‌ره‌كێ ئاگه‌هدار بۆ مالپه‌رێ ئه‌ڤرۆ نیۆز راگه‌هاند، ل تاخێ ته‌حریر كو دكه‌فیته‌ رۆژهه‌لاتێ باژێرێ مووسل چه‌كدارێن داعشێ ب سه‌ر مالێن ئاكنجیێن وى تاخى دا گرتن و رۆژنامه‌ڤانه‌ك ل گه‌ل ئێك كه‌سوكارێن وى كو ئه‌و ژێ كارێ رۆژنامه‌ڤانى دكه‌ت ره‌ڤاندن،
ژێده‌رێ نه‌ڤیایى ناڤێ خوه‌ ئاشكرا بكه‌ت گۆت: ته‌رمێ رۆژنامه‌ڤانێ گه‌نج موهه‌ند زنون ئه‌لعگێدى پشتى ده‌رخستنا وى ژمال پشتى رۆژه‌كێ راده‌ستێ كه‌سوكارێن وى كرن و نه‌هێلان بكارێن رێوره‌سمێن تازى ژى رابن.
هه‌ژماره‌كا رۆژنامه‌ڤان و پێشكێكارێن به‌رنامێن كه‌نالێن ئه‌سمانى هاتینه‌ كوشتن ژ ئالیێ داعشێ ڤه‌، ژوان ژى بێژه‌را كه‌نالێ (ئه‌لمووسلیه‌) میسه‌لون ئه‌لجوادى و وێنه‌گر هیشام ئه‌لحرباوى و جه‌لا ئه‌لعبادى و رۆژنامه‌ڤان جه‌مال سوبحى كو ب ره‌گه‌ز مسریه‌ و مال و ملكێن وان ژى هاتینه‌ ده‌سته‌سه‌ركرن.

ئه‌ڤرۆ نیۆز:
رۆژناما واشنتۆن تایمز یا ئه‌مریكى ارگه‌هاند، پشتى هێز و چه‌كدارێن ده‌وله‌تا ئیسلامێ یا تیرۆرى نێزیكى پایته‌ختێ عیراقێ به‌غدا بووین، به‌رپرسێن عیراقێ ژ ویلایه‌تێن ئه‌مریكى خواست هێزێن له‌شكرێ په‌یاده‌ بۆ ژناڤبرنا داعشێ ڤه‌گرن عیراقێ.
رۆژناما ناڤبرى هه‌روه‌سا دیاركر، به‌رپرسه‌كێ عیراقى بۆ رۆژناما تێلیگراف یا به‌ریتانى ژى گۆتیه‌ نێزیكى 10 هه‌زار چه‌كدارێن داعشا تیرۆرى به‌ر ب پایته‌ختى ڤه‌ دهێن و گه‌هشتینه‌ ده‌وروبه‌رێن به‌غدا.
هه‌روه‌سا ژێده‌رێ رۆژنامه‌ڤانى دلگرانیا به‌رپرسێن عیراقێ سه‌باره‌ت نه‌پیته‌پێكرنا بنتاگۆن ل سه‌ر هنارتنا له‌شكرێ په‌یاده‌ یێ ئه‌مریكى بۆ رزگاركرنا پارێزگه‌ها ئه‌نبار دیاركرن.
واشنتۆن پۆست خوه‌یاكر، هێزێن په‌یاده‌یا له‌شكرێ ئه‌مریكى ل باژێرێ فه‌لوجه‌ ل سالا 2004 شه‌ره‌كێ دژوار و خویناوى ئه‌نجامدا كو دبیت گرانترین شه‌ر پشتى شه‌رێ ئه‌مریكى ل ڤێتنامێ.

ئه‌ڤرۆ نیۆز:
جڤاتا پارێزگه‌ها ئه‌نبار بڕیارا ده‌رخستنا ئه‌فسه‌رێ پۆلیسان ره‌شید فلیه‌ح ئه‌لحله‌فه‌ى كو خه‌لكێ میسانه‌ و پشتى ئازادیا عیراقێ پلا ئه‌فسه‌رێ ناڤبرى گه‌هشتبوو پلا فه‌ریق و پۆستێ فه‌رماندێ پرۆسا پارێزگه‌ها ئه‌نبارێ دكر، لیوا روكن تارق عه‌زاوى ل جهێ وى هاته‌ دانان، ئه‌و گوهۆڕین پشتى داخوازا سه‌رۆك هۆزێن عه‌ره‌بێن ده‌ڤه‌رێ ژ سه‌رۆك وه‌زیرێن عیراقێ حه‌یده‌ر عه‌بادى هاتن، باتیبه‌تى ده‌مێ زیان و زه‌ره‌رێن مه‌زن دشه‌رێ دژى تیرورێ دا گه‌هشتینه‌ ده‌ڤه‌را وان.
ئه‌ندامه‌كێ به‌رێ یێ جڤاتا پارێزگه‌ها ئه‌نبار گۆت: ره‌شید فلیه‌ح، نه‌یێ سه‌ركه‌فتى بوو ب رێڤه‌برنا باده‌كا ئێمناهیێ ل پارێزگه‌هێ، چونكى ئه‌ڤه‌ ده‌مێ 10 هه‌یڤایه‌ پارێزگه‌ها ئه‌نبار دشه‌رێ دژى تیرۆرێ دا و ئه‌نجام رۆژ بۆ رۆژێ خرابترن، چونكى پلانێن وى هه‌مى دفاشل بوون

ئه‌ڤرۆ نيوز:

نوكه‌ سه‌رۆكێ هه‌رێما كوردستانێ مه‌سعود بارزانى، ل گه‌ل لايه‌نێن سياسى يێن رۆژئاڤايێ كوردستانێ هه‌ر ئێك ژ لايه‌نێن ئه‌نه‌كه‌سێ و په‌يه‌دێ يێ د كۆمبوونێ دا.

ب گۆره‌ى ئه‌و پێزانينێن ب ده‌ست ئه‌ڤرۆ نيوز كه‌فتين ئه‌ڤ كۆمبوونا نوكه‌ ل فه‌رماندا دخۆك يا له‌شكرێ كوردستانێ ل دهۆكێ دهێته‌ گێران دێ هه‌لويسته‌كێ ئێكگرتى يێ كوردان راگه‌هينن ژبوو ئه‌و روودانێن نوكه‌ ل هه‌رێمێ و رۆژئاڤا و ده‌ڤه‌رێ هاتينه‌ پێش.

وێنه‌: چه‌كدار ئه‌ترووشى:

ئه‌ڤرۆ نیوز، سالار دۆسكى”

پشتى به‌رهه‌ڤى كرین كو ژڤان بۆ سوباهى ب رێیا فرۆكخانا هه‌ولێرێ بگه‌هیته‌ ناف كه‌س و كارێن خوه‌، حه‌جى( محه‌مه‌د ئه‌حمه‌د محه‌مه‌د) كو خه‌لكێ كومه‌لگه‌ها چره‌ یه‌ سه‌ر ب قه‌زا ئاكرێ ل پارێزگه‌ها دهۆكێ وه‌غه‌ركر و ژڤانه‌ گۆرستانا باژێرێ مه‌كه‌هێ بهێـه‌ ڤه‌شارتن.
مه‌ریوان نه‌قشه‌به‌ندى رێڤه‌ه‌برێ په‌یوه‌ندى و راگه‌هاندنێ كو نوكه‌ دگه‌ل شاندى یه‌ ل سه‌ر تورا جڤاكیا خوه‌ یا فێسبووكێ ئه‌ڤ نووچه‌ راگه‌هاند و دیاركر كو ڤى حه‌جى خوه‌ به‌رهه‌ڤكر بوو كو سوباهى 15/10ڤه‌گه‌ریته‌ هه‌رێما كوردستانێ و ب رێیا فرۆكخانا هه‌ولێرێ به‌ر ب باژێرێ خوه‌ بچیت و چوو به‌ر دلوڤانیا خودێ.
جهێ ئاماژه‌كرنێ یه‌ حه‌جى محه‌مه‌د ئه‌حمه‌د محه‌مه‌د ل سالا 1947هاتیه‌ سه‌ردونیایێ، ئه‌ڤه‌ دبیته‌ حه‌جیێ پێنجێ یێ كوردستانێ و چارێ یێ پارێزگه‌ها دهۆكێ مه‌كه‌ها پیرۆز وه‌غه‌ردكه‌ت ل ئه‌ڤ ساله‌.

ئه‌ڤرۆ نيوز، نيورا محه‌مه‌د سه‌ليم:

ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ راگه‌هاند كو وه‌زاره‌تا ئه‌وقافێ دێ راگرێن هه‌موو په‌يمانگه‌هێن ئيسلامى گوهۆڕيت و ب جهێن وان دێ هنده‌كێن دى ب رێيا CV دانيت.

مه‌ريوان نه‌قشه‌به‌ندى، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ، بۆ ئه‌ڤرۆ نيوز گۆت: “هه‌ر وه‌كو به‌رى نوكه‌ كه‌مال موسلم وه‌زيرێ ئه‌وقافێ و كاروبارێن ئاينى راگه‌هاندى كو دێ چاكسازيان د سه‌رجه‌م پشكێن خواندنا ئيسلامى يا سه‌ر ب وه‌زاره‌تا ئه‌وقافێ دا كه‌ت، ئه‌ڤرۆ د راگه‌هاندنه‌كا فه‌رمى دا، ئاماژه‌ ب وێ چه‌ندێ دكه‌ت كو هه‌موو راگرێن په‌يمانگه‌هێن ئيسلامى دێ ب CV هێنه‌ دانان”.

زێده‌تر گۆت: “هه‌ر كه‌سێ داخواز ل سه‌ر پۆستێ راگريا په‌يمانگه‌هێن ئيسلامى ل هه‌ولێر سپێدێ و ئێڤارى و دهۆك و سلێمانيێ و ئاكرێ هه‌يى دشێن هه‌ر ژ نوكه‌ و هه‌تا 25\20\2014 ێ CV  خوه‌ ب گۆره‌ى ڤان مه‌رجان پێش كێش بكه‌ت كو د نڤيسارێ دا ئاماژه‌ پێ كريه‌.

ژ گرنگترين مه‌رجان دايه‌ زانين كو پێدڤيه‌ دكتورا د وارێ په‌يوه‌نيدار دا هه‌بيت و پلا زانستى موده‌رس بيت و خزمه‌تا كارى ژ حه‌فت سالان كێمتر نه‌بيت و شيانێن ب رێڤه‌برنا كارێن ئيدارى هه‌بن.

ئه‌ڤرۆ نيوز:

به‌رپرسه‌كێ كوردستانى ئه‌ڤرۆ رۆژا سێشه‌مبى  راگه‌هاند كو هه‌رێما كوردستانێ هاريكاريا چه‌كدارى يا هێزێن يه‌كينه‌يێن پاراستنا گه‌ل يا كرى ل كوبانێ.

حه‌ميد دريندى به‌رپرسێ فايلا سورى ل سه‌رۆكاتيا هه‌رێما كوردستانێ بۆ شه‌فه‌ق نيوز گۆت: “ل هه‌موو گۆره‌پانا مه‌ هه‌ڤكاريا وان يا كرى، هاريكاريێن چه‌كى ژى مه‌ يێن بۆ كۆبانێ هنارتين”.

به‌رى نوكه‌ ژى، به‌خيتار عه‌لى، ئه‌ندامێ سه‌ركرداتيا ئێكه‌تيێ راگه‌هاندبوو كو ئه‌وان هژماره‌كا زۆر يا هێزێن دژى تيرۆرێ بربوونه‌ سه‌ر سنورى، به‌لێ ژ به‌ر دووريا رێ نه‌شيابوون هێزێن چه‌كدارى بگه‌هيننه‌ كۆبانێ.

نێچيرڤان بارزانى ژى دوهى د كۆنگره‌كێ رۆژنامه‌ڤانى دا ل باره‌گايێ يه‌كگرتوو ئيسلامى كوردستان راگه‌هاندبوو كو د رێيا وان دا، هه‌ڤپه‌يمانان هاريكاريا خه‌لكێ كۆبانێ يا كريى.

هه‌ر ژ 15\9\2014 و هه‌تا نوكه‌ داعش يا بزاڤێ دكه‌ت كۆبانێ كۆنترۆل كه‌ت، هه‌ر چه‌نده‌ ب گۆره‌ى پێزانينان گه‌له‌ك ژ وى باژێرى كه‌فتيه‌ ده‌ستێ وان، به‌لێ نه‌شياينه‌ كۆنترۆلا گشتى يا كۆبانێ بكه‌ت.

ئه‌ڤه‌ ماوه‌كێ درێژه‌ هێزێن هه‌ڤپه‌يمانان ژى ب ره‌نگه‌كێ به‌رده‌وام هێرشێن ئه‌سمانى دكه‌نه‌ سه‌ر چه‌كدارێن داعش ل سه‌ر ڤێ ده‌ڤه‌رێ، به‌لێ نه‌شياينه‌ رێ ل پێشره‌ويێن داعش ل وێ ده‌ڤه‌رێ بگرن.

ئه‌ڤرۆ نيوز:

ب سه‌دان كه‌سان ژ لايه‌نگرێن مه‌رجه‌عێ شيعى، مه‌حمود حه‌سه‌ن سه‌رخى، ل هه‌مبه‌ر باره‌گايێ جڤاتا نوونه‌رێن عيراقێ ده‌سپێكر و دخوازن نورى مالكى بهێته‌ سێداره‌دان.

ب گۆره‌ى ده‌زگه‌هێن رۆژنامه‌ڤانى، ئه‌ڤرۆ خۆنيشادانان ل به‌غدا ل ده‌ڤه‌را كه‌سك ده‌سپێكرن و داخوازا سێداره‌دانا نورى مالكى دكه‌ن ب تومه‌تا وێ چه‌ندێ كو ده‌ست د گرتن و به‌رزه‌كرنا پشته‌ڤانێن سورخى دا هه‌بوويه‌ د روودانا چوونا سه‌ر باره‌گايێن وان ل پارێزگه‌ها كه‌ربه‌لا ل هه‌يڤا هه‌شت يا ئه‌ڤ ساله‌.

نوكه‌ هێزێن ئه‌منى پتريا وان جادان يێن گرتى و شه‌ر و پێكدادان د ناڤبه‌را خۆنيشاده‌ران و هێزێن ئێمناهيێ دا ده‌ستپێكريه‌.

ئه‌ڤه‌ ماوه‌كێ درێژه‌ ب رێيا خۆنيشادانا داخازا دادگه‌هكرن و سێداره‌دانا نۆرى مالكى سه‌رۆك وه‌زيرێ به‌رێ يێ عيراقێ و جێگرێ سه‌رۆك كۆمارێ نوكه‌ يێ عيراقێ دكه‌ن.

ئه‌ڤرۆ نيوز:

دوهى رۆژا دوشه‌مبى رێكه‌فتى 14\10\2014 هژمارا چار يا گۆڤارا “دابق” يا گرێداى وان به‌لاڤكر كو تێدا بۆ جارا ئێك ژ 8\3\2014 ل ده‌مێ گرتنا شنگال ه‌ هه‌تا نوكه‌ دانپێدان ب فرۆتنا كچ و ژنێن ئێزدى كر.

 

بۆ خواندنا كۆڤارێ ڤێرێ كليك بكه‌:

 

website security
WP Facebook Auto Publish Powered By : XYZScripts.com