NO IORG
نوچێن گرنگ

ئه‌ڤرۆ نیۆز:
ل گۆڕ ده‌نگۆباسێن هاتینه‌ به‌لاڤكرن، به‌رى ده‌مه‌كێ كێم ترۆمبێله‌كا مینرێژكرى ل ناڤه‌ندا باژێرێ كه‌ركووكێ په‌قى و دئه‌نجامدا 49 قوربانى ژوێ روودانا دلته‌زین هه‌بوون.
په‌قینا ترۆمبێلێ ل نێزیكى سێریانا مامه‌ ره‌یشه‌ هاتیه‌ ئه‌نجامدان و هه‌شت ترۆمبێلێن سڤیلان ژى هاتنه‌ سۆتن، زێده‌بارى وێ چه‌ندێ 19 وه‌لاتى شه‌هید و 30 بریندارن وه‌ك پێزانینێن ده‌ستپێكى و گه‌هشتینه‌ به‌ر ده‌ست.

ئه‌ڤرۆ نیۆز:
به‌رپرسه‌كێ میحوه‌رێ گوێر بۆ مالپه‌رێ پارتى دیموركاتى كوردستان راگه‌هاند، تیرۆرستێن داعشێ تووشى بێ ئومێدى و بێوه‌ڕه‌یى بووینه‌ دشه‌رێ ل گه‌ل پێشمه‌رگه‌ى دا، له‌ورا ل میحوه‌رێ مه‌خمور و گۆیر، ب نه‌چارى ڤه‌ خوه‌ راده‌ستى هێزێن پێشمه‌رگه‌ى دكه‌ن، كو هه‌تا نها 17 چه‌كدراێن داعشێ خوه‌ راده‌ستى هێزێن پێشمه‌رگه‌ى كرینه‌.
زێده‌بارى وێ گۆت: هێزا پێشمه‌رگه‌ى وانه‌كا دژوار نیشا چه‌كدارێن تیرۆرستێن داعشێ ل میحوه‌رێ مه‌خمور گوێر دایه‌ كو تووشى بێهڤیبوونه‌كا مه‌زن بووینه‌ و بتنێ رێیا خوه‌رادستكرنێ دبینن.
غازى قادر عه‌بدوللا به‌رپرسێ لژنا گۆێریا پارتى دیموكراتى كوردستان دوپاتكر، هێزێن پێشمه‌رگه‌ى شیان وڕه‌یێن چه‌كدارێن داعشێ ل میحوه‌رێ مه‌خمور و گوێر ب ته‌مامى بشكێنن، كو هه‌تا نها نه‌شیانه‌ چو پێشڤه‌چوونان بكه‌ن، به‌لكى تووشى شه‌كه‌ستنێن دژوار ژى دبن.
قادر عه‌بدوللاى ئاماژه‌دا هندێ چه‌كدارێن داعشێ ل ده‌ڤه‌را سۆلتان ژ هه‌موو ئالیه‌كێ ڤه‌ هاتینه‌ دوورپێچكرن، بتنێ وان رێیه‌ك مایه‌ بزاڤێ تێدا بكه‌ن ئه‌و ژى رێیا رووبارى یه‌ به‌لێ هێزێن پێشمه‌رگه‌ى هه‌موو بزاڤێن وان چاڤدێریێ لێ دكه‌ت و هێرشێن گولله‌بارنكرنێ ل بزاڤێن وانا دكه‌ت.

ئه‌ڤرۆ نیۆز:
راپۆرتێن رۆژنامه‌ڤانى راگه‌هاندن، ب مه‌ره‌ما كومبوونه‌كێ ل گه‌ل به‌رپرسێن (PKK) شانده‌كێ توركى دێ سه‌را چیایێ قه‌ندیلێ ده‌ت، هه‌روه‌سا ئاشكراكرن، بابه‌تێ شاندێ حوكمه‌تا توركى بۆ دانوستاندنان دێ چیته‌ قه‌نده‌یل به‌لێ ژڤانێ چوونا وى شاندێ نه‌هاتیه‌ دیاركرن.
ئه‌ڤه‌ بۆ جارا ئێكێ یه‌ حوكمه‌تا وه‌لاتێ توركیا نیازا دانوستاندنان هه‌یه‌ ل گه‌ل به‌رپرسێن (PKK) بۆ ئاشتیا نیشتیمانیا توركى ئه‌وژى پشتى حزبا (PKK) ده‌ست ژ چه‌كێ خوه‌ به‌ردده‌تن.
راپۆرتێن رۆژنامه‌ڤانى هه‌روه‌سا ئاماژه‌دا ژماره‌كا حزبا كوردى یا بناڤێ دیموكراتیا ملله‌تانى( BDP ) دێ ل گله‌ شاندێ حوكمه‌تا توركى به‌ر بچیایێ قه‌ندیلى ڤه‌ چه‌ن.

ئه‌ڤرۆ نیوز،زنـار تـوڤى:
ل ئێڤاریا روژا پێنجشه‌مبى رێكه‌فتى 4/12/2014 فروكێن شه‌ركه‌ر و بێ فروكه‌ڤان یێن سوپایێ توركى سنورێن هه‌رێما كوردستانێ ل ده‌ڤه‌را به‌روارى بالا و به‌زاندن و بو ماوێ پتر ژ ده‌مژمێر و نیڤا ل هنداڤ ئاسمانێ ڤێ ده‌ڤه‌رێ و چیایێ مه‌تینا زڤرینه‌. ئه‌حمه‌د یوسف ئێكه‌ ژ ئاكنجیێن ده‌ڤه‌را به‌روارى بالا بو ئه‌ڤرۆ نیوز راگه‌هاند:كو ل روژا 4/12 و لده‌مژمێر 3 ئێڤارى فروكێن شه‌ركه‌ر و بێ فروكه‌ڤان یێن سوپایێ توركى بو ماوێ پتر ژ ده‌مژمێر و نیڤا لسه‌ر ئاسمانێ كوردستانێ ل ده‌ڤه‌را به‌روارى بالا و ل هنداڤ چیایێ مه‌تینا و رووبارێ زێى دزڤرین و ڤێ چه‌ندێ دلگرانیه‌ك لده‌ف خه‌لكێ ده‌ڤه‌رێ په‌یداكر،ژبه‌ركو ئه‌ڤه‌ ئێكه‌مین جار بوو فروكه‌ هند ماین و ده‌ور ڤه‌ داین،خه‌لكێ وه‌سا هزر دكر كو دێ هنده‌ك جهان بومبه‌ باران كه‌ن،ب به‌هانه‌یا هه‌بونا چه‌كدارێن په‌كه‌كێ و گوتژى:ئه‌ڤه‌ ماوه‌یه‌كه‌ فروكێن توركى دهێنه‌ دناڤا ئاخا هه‌رێما كوردستانێ،لێ هه‌تانوكه‌ چ جه ژلایێ وانڤه‌ نه‌هاتینه‌ بومبه‌ بارانكرن.

ئه‌ڤرۆ نیۆز:
پرۆپاگندا پشته‌ڤانیكرنا بۆ چه‌دارێن داعشێ ل گۆڕ ڤه‌كولینه‌كا ئه‌ورۆپى كو ژ زانكۆیا میلانو یا ئیتالى ڤه‌ هاتیه‌ به‌رهه‌ڤكرن دیاركر، د ده‌مێ دناڤبه‌را ئێكێ تیرمه‌هێ و هه‌تا 20 چریا ئێكێ، ڤه‌كۆلینا ناڤبرى پشتبه‌ستنا خوه‌ ل سه‌ر ناڤه‌رۆكا نامه‌ و تغریدات و گرته‌یێن ڤیدیویێ یێن ل سه‌ر توڕێن جڤاكى دهێنه‌ به‌لاڤكرن.
كو پڕانیا وان ب زمانێ عه‌ره‌بى پشته‌ڤانیا خوه‌ بۆ جیهادێ و چكدارێن داعشێ ده‌ربڕینێ دكه‌ن، دیاركرن كو 31% ژ پشته‌ڤانیكرنا وان رێكخستنا ب زمانێ عه‌ره‌بى ژ وه‌لاتێ به‌لجیكا ده‌ردكه‌ڤن، پاشى وه‌لاتێ فره‌نسا ب رێژا 10% دهێت.
ڤه‌كولینا ئیتالى هه‌روه‌سا ئاماژه‌دا هندێ، كو جهێ هه‌ره‌ كێم بۆ پرۆپاگندا گرۆپێن چه‌كدار ژ وه‌لاتێ سوریا دهێن، كو برێژا (7،6%) بتنێ بوویه‌ به‌رانبه‌رى (9،7%) ژوه‌لاتێ عیراقێ دهێن، و رێژا پرتیا هه‌ره‌ مه‌زن ژ وه‌لاتێن قه‌ته‌ر و پاكستان دهێن.
هه‌ر ب هه‌مان بابه‌تێ ناڤبرى ژێده‌رێن پۆلیسێن فیدرالى راگه‌هاندن ئه‌م سه‌ره‌ده‌ریه‌كا رژدى ل گه‌ل هه‌موو كارێن پرۆپاگنده‌كرنا پشتڤانیا تیرۆرێ ل به‌لجیكا دكه‌ین، و چاڤدێریه‌كا هه‌ره‌ باش بو وان كه‌رستێن پرۆپاگنده‌كرنێ ل گۆڕ ده‌ربرینێ دكه‌ین.

ئه‌ڤرۆنیۆز، هه‌ر هین محه‌مه‌د:
پشتى مامۆستا هایداركرین كو ل كلینكه‌ها نوشدارى یا تایبه‌ت ب مامۆستا ڤه‌، بهایێ پلێتێ گرانى بخوه‌ ڤه‌دیتى یه‌ و ڤێ چه‌ندێ مامۆستا دلگرانكرینه‌، هه‌ڤده‌م مامۆستا گازندنێ دكه‌ن كو هه‌رسێ هه‌یڤا جاره‌كێ و ده‌مێ خوه‌ دا ئابوونێن خوه‌ ده‌ن و به‌رامبه‌ر به‌خشینا هه‌یڤانه‌ ئه‌و به‌رامبه‌ر نشته‌گه‌ریه‌كێ كو دڤێت بهێته‌ به‌خشین گیرۆدبیت و ئه‌ڤه‌ دو هه‌تا سێ هه‌یڤانه‌ بورى وبه‌رده‌وام سه‌ردانا ئێكه‌تیا مامۆستا دكه‌ن بۆ وه‌رگرتنا به‌خشینا خوه‌ و هێشتا ناوه‌رگرتینه‌.
سه‌روكێ لقێ دهۆكێ ئێكه‌تیا ماموستایێن كوردستانێ وه‌هبى یونس تێلى، د دیداره‌كێ دا بۆ ئه‌ڤرۆ نیۆز گۆت: ئێكه‌تیا ماموستایان مژوولى هاریكاریانه‌ بۆ ئاواره‌یان هه‌روه‌سا بۆ وان ماموستایان ژى هاریكارى دهێته‌ كرن ئه‌وێن نشته‌گه‌ریا دكه‌ن به‌لێ ئه‌ڤه‌ بۆ ماوێ هه‌یڤه‌كه‌ نه‌هاتینه‌ دان ژبه‌ر كو به‌رپرسێ دارایى نه‌یێ ئاماده‌ بۆ گه‌له‌ك ماموستایان ژى خوه‌ به‌خشكریه‌ وئیمزاكرینه‌ ودبه‌رهه‌ڤن بچن به‌روكێن شه‌رى بگرن، كو هه‌رچار سالان جاره‌كێ كونگرێ ماموستایان دهێته‌ گێران و به‌رهه‌ڤى دهێنه‌ كرن بۆ كونگرێ (2015) بهێته‌ گێران، لدوور كلینیكا ماموستایان یانوشدارى ژى، وه‌هبى یونس گۆتژى:گه‌له‌ك جاران نوشدارهاتینه‌ فێربووینه‌ كارى وى نوشدارى دیته‌ هه‌موو نوشداریێد دى گه‌له‌ك قازانج دكه‌ن له‌ورا دهێنه‌ گهورین گه‌له‌ك نوشداران ژى گازنده‌ دكه‌ن كو چ قازانج ناكه‌ن هه‌روه‌سا چ داهات ژى بو ئێكه‌تیا ماموستایان ژىنه‌دهات وبهایێ كریا ئاڤاهێ ژى نه‌دهات له‌ورا بهایێ پلیتان ژهزار دیناران بوویه‌ دوهزار دینار.
سه‌روكێ ئێكه‌تیا ماموستایان وه‌هبى یونس تێلى ئاشكه‌راكرژى: ماموستا هۆكار بوون ب كو ئه‌و كومپانیا چێكرنا شوقان رازى نه‌بوون چونكو وێ كومپانیێ شوقێن نزاركێ چێكربوون گازنده‌ ل سه‌ر هه‌بوون هه‌تا نوكه‌ ژى ئه‌رد یێ ئاماده‌یه‌ نێزیكێ( 48)دونه‌مانه‌ دوریێن هزارو(700 )شوقان دیهێنه‌ ئاڤاكرن به‌لێ ژبه‌ر ڤان كاودانێت نه‌خوه‌ش ئه‌وێن ب سه‌ركوردستانێ دهێن چێكرنا شوقان هاتیه‌ راوه‌ستاندن و هنده‌ك پارچێن ئه‌ردى ژى هاتنه‌ دان ل دێرجندیێ به‌هرا ماموستیان ژى تێدا هه‌بوو نێزیكى نه‌ه سه‌د ماموستایان پارچێن ئه‌ردى وه‌رگرتینه‌ مفا ژێ وه‌رگرتیه‌ هه‌رجاره‌كا پارچێن ئه‌ردى هاتنه‌ به‌لاڤكرن ل سه‌رانسه‌رى پارێزگه‌هى بۆ فه‌رمانبه‌ران وماموستایان به‌لێ به‌هرا ماموستایان پتره‌ ژ یا فه‌رمانبه‌ران و به‌لاڤكرنا پارچێن ئه‌ردى لدووڤ ژمارانه‌ به‌لێ هنده‌ك ماموستا هه‌نه‌ ناڤێن وان یێن دلیستێ دا به‌لێ هێشتا ئه‌رد نه‌هاتیه‌ ده‌ست نیشانكرن .
وه‌هبى یونس گۆتژى گه‌له‌ك مه‌ جاران داخاز ژ باژێرڤانیێ كریه‌كو ئاڤاهیێ ئیكه‌تیا ماموستایێن كوردستانێ بهێته‌ نوژه‌نكرن به‌لێ ئاڤاهیێ ئێكه‌تیا ماموستایان دپلان دایه‌ بهێته‌ خراب كرن ببیته‌ جاده‌ به‌لێ هه‌ردپلانا حكومه‌تێ دایه‌ ژى جهه‌ك بهێته‌ ده‌ست نیشانكرن بۆ ئێكه‌تیا ماموستایان
سه‌روكێ ئیكه‌تیا ماموستایان دیاركرژى لدووڤ ناسنامائێكه‌ تیا ماموستایان(14)هزارئه‌ندام منه‌ وهه‌چارهه‌یڤان جاره‌ كێ ئابوون ژماموستایان دهێنه‌ وه‌رگرتن لدووڤ كومكرنا ئابوونێن هه‌یڤا بوورى ئه‌ندامێن قه‌زاشێخان وناحیا سێمیلێ وشنگالێ دناڤ دا نه‌بوون دڤان كاودانادا نه‌شێین ئابوونا ژێ ژ چ ماموستا وه‌رگرین و ماموستا ژى ب كه‌یفا خوه‌نه‌ ئه‌گه‌ر ئابوونێن خوه‌ بده‌ن ئه‌و ئه‌ندامن وئه‌گه‌ر ئابوونانه‌ده‌ن ئه‌و نه‌ئه‌ندامێن ئێكه‌تیا ماموستایانه‌.

ئه‌ڤرۆنیۆز، هه‌رهین محه‌مه‌د
به‌رپرسێ كومه‌لا ژین یا كێم ئه‌ندامان لقێ دهوكێ دیاركر كو ئه‌گه‌ر كه‌سه‌ك بهێت ب بیته‌ به‌رپرسێ كومه‌لا ژین دێ سوپاس دارێ وى بیت، ئاشكراكر كو بۆ كونفره‌نسێ بهێت خوه‌ نا هه‌لبژیریت، د دیداره‌كێ دا به‌رپرسێ كومه‌لا ژین به‌حسێ ره‌وشا كومه‌لا ناڤبرى دكه‌ت.
نه‌سره‌دین محه‌مه‌د سه‌لیم، به‌رپرسێ كومه‌لا ژین یا كێم ئه‌ندامان لقێ دهوكێ گۆت: روژانه‌ ئه‌ندامێن كومه‌لا ژین به‌ر ب زێده‌بوونێ نه‌ پتر ژ شه‌ش هزارانه‌ ودژێ (6 هه‌تا60) ساڵى دهێنه‌ وه‌رگرتن به‌ڵى بتنێ كێم ئه‌ندامێن جه‌سته‌یى نه‌ ئه‌گه‌ر ئه‌ڤ مه‌رجه‌ ل نك هه‌بن دێ بیته‌ ئێك ژئه‌ندامێن كومه‌ڵى، نسردین گۆت ژى: نه‌شێن بێژین هه‌موو كێشێن كێم ئه‌ندامان هاتینه‌ چاره‌سه‌ركرن، ژ ئارمنجێن كومه‌لا ژین هه‌ول بده‌ن كێم ئه‌ندامان ژلایێ ده‌روونى ڤه‌ ئارام كه‌ین وگه‌له‌ك جاران چالاكى ئه‌نجام داینه‌ ب رێكا بسپورێن شاره‌زا وتێكه‌ل ب كه‌ین دگه‌ل جڤاكى یان ژى سمینار بۆ بهێنه‌ خاندن به‌ڵى هنده‌ك كێم ئه‌ندام ژهنده‌كان چالاك ترن حه‌فتیانه‌ سه‌ره‌دانا كومه‌لاژین دكه‌ن ودزانن كاچ چالاكێ دهێته‌ ئه‌نجام دان، دبینم بۆماوه‌كێ درێژ سه‌رادانا كومه‌لێ ناكه‌ له‌ورا دبێ به‌هرن ژسمیناران، نه‌سره‌دینى دیاركر ژى كو ناسنامه‌ك بۆ هه‌ركێم ئه‌ندامه‌كێ دهێته‌ چێكرن دهێته‌ هژمارتن ژئه‌ندامێن كومه‌لاژین به‌ڵى ئه‌ڤ ناسنامه‌ نه‌هاتینه‌ چێكرن كو ماوێ وان بچیت مه‌ره‌م ژێ ئه‌وه‌ كو ئه‌ندامێن كومه‌لا ژین زه‌حمه‌ت بۆ چێبیت وهه‌تا نوكه‌ كار بڤێ ناسنامێ دهێته‌كرن، به‌رپرسێ كومه‌لاژین گۆت: سالانه‌ سه‌یرانه‌ك بۆ كێم ئه‌ندامان دهێته‌ گێران كو هه‌ست ب كیماسیێ نه‌كه‌ن به‌ڵى په‌یوندێن گه‌له‌كا دكه‌ین چونكه‌ كێم ئه‌ندام گه‌له‌كن بیت بۆ ماوه‌كێ درێژ ژى په‌یوه‌ندى ب مه‌ نه‌كریه‌ و له‌ورا لژنه‌ك دهێته‌ دروستكرن هه‌موو هه‌ڤالان ئاگه‌هداركه‌ن نافهاتى ئاماژه‌ ب هندێ دا كوسه‌یران یاكێم ئه‌ندامان و كه‌سوكارێن وان بڤێ چه‌ندێ زورخوه‌شحال دبن كو كه‌سه‌كێ ساخله‌م به‌شدارى سه‌یرانا كێم ئه‌ندامان بیت، به‌رپرسێ كومه‌لا ژین خوه‌یاكر ژى گه‌له‌ك كێم ئه‌ندام بووینه‌ هزرا وێ چه‌ندێ نه‌كرینه‌ ب دێ بنه‌ خودان خێزان وتێكه‌لى جڤاكى بن و رێ یا كومه‌لا ژین پتر(25)كێم ئه‌ندامان دگه‌له‌ك خێزان پێك ئینایه‌، نافهاتى گۆت ژى: بۆماوه‌كێ درێژه‌ به‌رپرسێ كومه‌لا ژین یا كێم ئه‌ندامان ژلایێ یاسایى وشه‌رعى ڤه‌ دبینم دروست نینه‌ وئه‌گه‌ركه‌سه‌ك بهێت ب بیته‌ به‌رپرسێ كومه‌لا كێم ئه‌ندامان دێ سوپاس داربم كارێ ڤێ كومه‌لێ خزمه‌ته‌ وچ ده‌وله‌مه‌ندى تێدانینه‌ ونه‌ بۆ هندێ یه‌ كو به‌رنیازببم دێ ب وه‌سا به‌رنیازبم كوخزمه‌ته‌كێ بۆ كێم ئه‌ندامان بكه‌ین، نافهاتى دیاركر كو دووماهیك كونفره‌نسێ كومه‌لا ژین یا كێم ئه‌ندامان ل سالا 2003 هاتیه‌گێران وهاتیمه‌ هه‌لبژارتن بۆ كونفره‌نسێ بهێت خوه‌ نا هه‌لبژیریت ب شانازى ڤه‌ ده‌رڤه‌تێ ده‌ته‌ وان كه‌سان كو حه‌زدكه‌ن به‌رپرسایه‌ تیا كومه‌لا ژین بكه‌ن، نافهانى خوه‌یاكر ژى كو ژ ئه‌گه‌رێ نه‌ دادپه‌روه‌ریێ دناڤ كێم ئه‌نداماندا كو كه‌لوپه‌ل بۆ كێم ئه‌ندامان كێم دهێن وگه‌ل له‌ورا گه‌له‌ك كه‌س بێ به‌هردبم هه‌روه‌سا نه‌سره‌دین محه‌مه‌د دیاركرژى كو یاریكه‌رێن یانا وه‌رزشى یا كێم ئه‌ندامان كومه‌كا گله‌ وگازندا دئینان گوتینه‌ كو پشته‌ڤانى ناهێته‌ كرن به‌لى ل به‌رچاڤكێ كامیرى وده‌نگێ وان توماركریه‌ وبایكوتكرنا مه‌ وه‌ك فشاره‌كێ بۆ نه‌كو ڤى ده‌رگه‌هى بگرین ژیاریكه‌ران هه‌ر كومه‌لا ژین بوویه‌ رابویه‌ ب دامه‌زراندنا یانا وه‌رزشى بۆ كێم ئه‌ندامان به‌ڵى نوكه‌ یانا ته‌پا سه‌لێ یا كێم ئه‌ندامان یاسه‌به‌خوویه‌ ب سه‌ر كومه‌لى ژین ڤه‌ نینه‌ به‌لكو سه‌رب به‌غدا ڤه‌یه‌ به‌ڵى ئه‌گه‌ربێژن یاریكه‌رین یانا وه‌رزشى یاكێم ئه‌ندامان دبێ به‌رهرن دبینم ئه‌ڤه‌ هه‌موو بهانه‌ نه‌ وهه‌تا نوكه‌ په‌یوه‌ندێن مه‌ دگه‌لكن ئه‌گه‌ر ئه‌و په‌یوه‌ندى كیم كه‌ن دبینم كومه‌لاژین مالا هه‌موو كێم ئه‌ندامانه‌ ده‌مێ كومه‌ل هاتیه‌ دامه‌زراندن ئه‌ڤ یانه‌ نه‌بوویه‌، به‌رپرسێ كومه‌لا ژین یا كێم ئه‌ندامان ئاشكراكرژى كو یاسا (22) ده‌چویه‌ بنافه‌ یاسا وئمتیازین كێم ئه‌ندامان خودان پێدڤێن تایبه‌ت وزوربه‌یا به‌ندین ڤێ یاسایێ توزێ گرتین ونه‌هاتینه‌جێ به‌جێ كرن وگه‌له‌ك بزاف چالاكى كرینه‌ كو ئه‌ڤ یاسایه‌ بكه‌ڤته‌ كارى ودوماهیك چالاكى ل سالا 2013 روژاجیهانیا كێم ئه‌ندامان رێپیڤانه‌ك ل به‌رده‌رگه‌هێ ئه‌نجومه‌نێ وه‌زیران كر كو ئه‌ یاسایه‌ بهیته‌ جێ به‌جێ كرن.

ئه‌ڤرۆ نیۆز:
وه‌زیرێ ده‌رڤه‌یێ سعودیێ سعود فه‌یسه‌ل دوپاتكر، ریاز یا ژدره‌ ل سه‌ر به‌رده‌وامیا ئێكگرتنا هێزێن هه‌ڤپه‌یمانانیا نێڤده‌ولى دژى داعشێ، داكوكى كر سه‌ر هندێ بزاڤێن هه‌ڤپه‌یمانیێ پێدڤى ب هه‌بوونا هێزه‌كا شه‌ركه‌ر هه‌یه‌ و بهێزكرنا هێزێن ئالیێن میان ره‌وێن ل سوریا.
سعود فه‌یسه‌لى د كومبوونا هه‌ڤپه‌یمانیا دژى داعشێ دا ل باره‌گایێ قولپا ناتویى ل برۆكسلێ گۆت: هه‌موو بزاكێن هه‌ڤپه‌یمانیێ پێدڤى ب هه‌بوونا هێزه‌كێ ل سه‌ر ئه‌ردى هه‌یه‌، بۆ بجهئینانا وێ ئارمانجێ ل سوریا، هه‌روه‌سا دڤێن هێزێن میان ڕه‌وێن سورى و ئالیێن ئۆپۆسیۆنێ پتر بهێنه‌ ب هێزكرن.
د په‌راوێزا كونگره‌ى دا، سعود فه‌یسه‌ل كومبوونه‌ك ل گه‌ل سه‌رۆك وه‌زیرێن عیراقێ حه‌یده‌ر عه‌بادى ئه‌نجامدا و به‌حسێ پێشڤه‌برنا په‌یوه‌ندیێن دناڤبه‌را هه‌ردو ئالیان دا هاتنه‌ كرن، كو ب بیته‌ هانده‌رێ ژناڤبرنه‌كا ب له‌ز بۆ چه‌كدارێن داعشێ.
ژ ئالیێ خوه‌ ڤه‌ وه‌زیرێ ده‌رڤه‌یێ ئه‌مریكى جون كیرى گۆت: هه‌وا دژى داعشێ ب 1000 هێرشێن ئه‌سمانى هاتیه‌ ئه‌نجامدان كارتێكرنه‌كا مه‌زن ل سه‌ر داعشێ كریه‌، هه‌روه‌سا پێگیریا واشنتۆن ب وێ رێككه‌فتنێ كر، و رنكر ئه‌م دێ د به‌رده‌وامبین ل سه‌ر وان هێرشان هندى كارێ پێدڤى بۆ سه‌ركه‌فتنێ هه‌بیت.

ئه‌ڤرۆ نيوز، نيوار محه‌مه‌د سه‌ليم:

د كۆنگره‌كێ رۆژمه‌ڤانى دا ئه‌ڤرۆ رۆژا پێنجشه‌مبى ل وه‌زاره‌تا خواندنا بلند و ڤه‌كۆلينێن زانستى د. كه‌ريم سالح شيره‌تكارێ وه‌زاره‌تێ، ئه‌نجامێن وه‌رگرتنا قوتابيان ل زانكۆ و په‌يمانگه‌هان ئاشكه‌را كرن و گۆتژى: “بۆ ئه‌ڤ ساله‌ 30 هزار و 653 قوتابى ل زانكۆ و په‌يمانگه‌هان هاتينه‌ وه‌رگرتن”.

زێده‌تر گۆت: “يێن زانستى 18 هزار و 452 قوتابى هه‌بوون، رێژا 12 هزار و 201 قوتابى هاتينه‌ وه‌رگرتن و كێمترين نمره‌ يا وه‌رگرتنێ ژى 61.57 بوويه‌ و بۆ ئه‌ده‌بى ژى 63.57 پله‌”.
د. كه‌ريم سالح ئه‌و ژى ئاشكه‌را كر كو ژبلى ڤان ناڤان ژى 1397 قوتابيان ناڤێن وان نه‌هاتينه‌ و ژ ئه‌گه‌رێ كێشێن ته‌كنيكى و ب ڤێ چه‌ندێ ژى سه‌رجه‌مێ گشتى يێ ئه‌ڤێن هاتينه‌ وه‌رگرتن 32 هزار و 279 قوتابى نه‌، ئانكو 80.36% قوتابيێن پێشكێش كرى ناڤێن وان يێن هاتين، ئه‌ڤێن دمينن ژى 16 هزار قوتابى نه‌ كو زانكۆيێن تايبه‌ت دێ داخوازا وه‌رگرتنێ كه‌ن”.
د. كەریم ساڵح راوێژكار لەوەزارەتی خوێندنی باڵا وتی: “سەعات 8ی ئێوارەی ئەمڕۆ ناوەكان بڵاو دەكرێنەوە”.
ئاماژه‌ ب وێ چه‌ندێ ژى كر كو ژ رۆژا شه‌مبى رێكه‌فتى 6\12 هه‌تا 11\12 پێدڤيه‌ قوتابى سه‌ره‌دانا كولبژ و په‌يمانگه‌هان بكه‌ن و هه‌موو كارێن خوه‌ ئه‌نجام بده‌ن و يێن نه‌رازيبوون ژى هه‌ين پێشكێش بكه‌ن و رۆژا 13\12 دێ ده‌ست ب ده‌واما فه‌رمى هێته‌ كرن.
ئاشكه‌را ژى كر كو قوتابيێن ده‌ڤه‌رێن كوردستانى دێ ب سيسته‌مه‌كێ جودا ل زانكۆ و په‌يمانگه‌هان هێنه‌ وه‌رگرتن.
بۆ زانينا جهێ لێ هاتيه‌ وه‌رگرتن ڤێره‌ كليك كه‌.

ئه‌ڤرۆ نيوز، ملله‌ت جه‌مال:

سه‌رۆكێ يانا دهۆك د كۆمبوونه‌كێ دا ل گه‌ل ياريكه‌رێن پشكدار د خولا نايابا عيراقێ دا راگه‌هاند كو ئه‌وان شيان نينن، گرێبه‌ستێن ياريكه‌ران دابين بكه‌ن و هه‌ر كه‌سێ حه‌ز ل سه‌ر چوونێ هه‌بيت ئه‌و دێ ره‌زامه‌نديێ ده‌نێ و ب ڤێ چه‌ندێ ژى ياريكه‌رێن بيانى خوه‌ ل تيمێ نه‌كره‌ خودان.

ئه‌ڤرۆ ئێڤارى سه‌رۆكێ يانا دهۆك سه‌عيد ئه‌حمه‌د ل گه‌ل ياريكه‌رێن يانا دهۆك يێن پشكدار د خولا نايابا عيراقێ دا روونشت و راگه‌هاند كو ئه‌وان شيانێن دابينكرنا گرێبه‌ستێن ياريكه‌ران نينن، يێ ڤيا بلا بمينيت و يێ نه‌ڤيا ژى ده‌رگه‌هێ يانێ ل به‌رامبه‌ر يێ ڤه‌كرى يه‌ و ئه‌و دێ ره‌زامه‌ندى و ده‌سته‌به‌رداريێ پێش كێش كه‌نێ.

پشتى گۆتنێن سه‌رۆكێ يانێ، ب تنێ ياريكه‌رێن كورد د رازى بوون ل گه‌ل يانێ بمينن و هه‌ر ئێك ژ ياريكه‌ران؛ سه‌لاح سه‌دير، عه‌لى سه‌عيد، ئه‌نيست ئينگا، ئه‌حمه‌د دونى، عه‌بدولناسر حه‌سه‌ن، بورهان سه‌هيونى و عوده‌يى تالب رێزێن تيمێ بجهـ هێلان.

website security
WP Facebook Auto Publish Powered By : XYZScripts.com