ئه‌ڤرۆ نیوز:
د رۆهنكرنه‌كێ دا كو ئه‌ڤرۆ پێنجشه‌مبى 23/5/2019 هاتیه به‌لاڤكرن، نڤیسینگه‌ها راگه‌هاندنا باره‌گایێ بارزانى به‌لاڤكر” ئاگه‌هداریا هه‌موو لایه‌كى ب تایبه‌ت بكارئێنه‌رێن تۆرێن جڤاكى دكه‌ین كو هه‌ر به‌رپه‌ره‌كێ فه‌یسبووكى هه‌كه ب ناڤێ سه‌رۆك بارزانى وباره‌گایێ بارزانى بیت وئه‌ڤ نیشانا راست ودانپێدانكرى (☑) یا تۆرا جڤاكى یا فه‌یسبووكى ل سه‌ر نه‌بیت، چو په‌یوه‌ندى ب سه‌رۆك بارزانى وباره‌گایێ بارزانى ڤه نینه”.
ئەڤرۆ نیوز، عەلی حاجی :
بو جارا دووێ ل دووڤ ئێك زانكویا زاخۆ دووەمین ڤیستەڤالا قوتابیێن بەهرەمەند بو هەژمارەكا پرۆژێن قوتابیێن زانكویێ ساز كر و كو تێدا هەژمارەكا بەرهەمێن وان هاتنە نیشاندان .
دلین میرو، بەرپرسا سەنتەرێ گەشەپێدان بۆ كاری ل زانكویا زاخۆ بۆ ئەڤرۆ نیوز دیاركر بۆ دووەم جارە دئەڤ سالە دا ڤیستەڤالێن ب ڤی رەنگیبۆ قوتابیێن زانكویا زاخۆ ئەنجام دد ەین و دڤێ ڤیستەڤالێ كارێ دەستیێ و پروژه و تابلوێن قوتابیان هاتنە نیشاندان و ئارمانجا سەرەكی ژڤێ ڤیستەڤالێ ئەو بوو ئەم بەرهەمێن قوتابیان نیشان بدەین و ژبەر كو گەلەك قوتابی هەنە خودان هزرن و بەهرەمەندن و زێدەباری وێ چەندێ ژی ئەو ڤەكولینێن قوتابی درەست دكەن نەهێنە پشت گوه هاڤێژتن و مفا ژێ بهێنە وەرگرتن، ئەڤ چەندە ژی بجه هات كو ژلایێ خوەڤە رێكخراوا روانگەه داخواز ژمە كر كو ئەڤ بەرهەمین قوتابیان ل بەریكانا بەهرەمەندان دا بهێنە وەرگرتن و ژلایێ خوە ژی رێڤەبەرێ گشتیێ چاڤدێریا جڤاكی ل پارێزگەها دهوكێ داخواز كر بەرهەمێن ڤان قوتابیان بكەڤنە دچارچووڤێ پروگرامێ قەرزێن بچیك دا .
زێده‌تر گوت : دڤێ ڤیستەڤالێ دا هژمارەكا باش یا كومپانی و بازرگان و رێكخراو و سەنتەر ئامادە بون و ئەڤ چەندە ژی ببو رێیەك زێدەتر شیانێن قوتابیان ب تایبەتی ل پشكێن زانستی دیار ببیت، دڤێ ڤیستەڤالێ دا نێزیكی 20 بەرهەمێن قوتابیان هاتنە نیشاندان .
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ پێنجشه‌مبى 23/5/2019 پێشوازى ل ئه‌یاد عه‌لاوى سه‌رۆكێ ئیئتیلافا نیشتمانى یا عیراقى كر.
د دیداره‌كێ دا بیرورا ل دۆر ره‌وشا سیاسى یا عیراقێ وپه‌یوه‌ندیێن د ناڤبه‌را هه‌ولێرێ وبه‌غدا هاتنه ئالوگۆركرن وهه‌روه‌سا شه‌رێ داعشێ وپێشهات وگوهۆرینێن ده‌ڤه‌رێ ژى ته‌وه‌ره‌كێ دى یێ دیدارێ بوون.
ئەڤرۆ نیوز، عەلی حاجی :
ژبەر ھاتنا بارانەکا زور د ئەڤ سالە دا ل ھەرێما کوردستانێ و ب تایبەتی ژی ل پارێزگەھا دھوکێ، ڤێ چەندێ وەکری یە بەرھەمێن بھاری زێدەتر بن و ھاولاتی ژی مفایی ژ وان بەرھەمان وەربگرن و ھاولاتیەکێ دەڤەرا ئامێدیێ مەزنترین کڤارک دئەڤ سالە دا ل چیایێ گارە دئینیت.
روژھات دێرەشی بۆ ئەڤرۆ نیوز دیارکر سالانە ئەم قەستا چیایێ گارە دکەین دا کو بەرھەمێن بھاری ژ چیایی بینن و دناڤ بازاری داب فروشین ، ژ نشکەکێ ڤە دەما من قەستا چیایێ گارە کری، دلێگەریانا من دا بو کڤارکان من مەزنترین کڤارک دئەڤ سالە دا دیت، ھەر چەندە سەنگا وێ کێلویەکە لێ من ھەتا نوکە کڤارکێن ب ڤی رەنگی ژ روویێ قەبارێ وێ ڤە نەدیتینە ، ھەر چەندە سالا بوری ھەر ھاولاتیەکێ ل سنورێ مە کڤارکەکا دوو کێلو نیڤ دیت بوو لێ نەب ڤی رەنگی مەزن ، ھەر دئەڤ سالە ژی دا ھەڤالەکێ من شیا بو کڤارکەکا کێلو نیڤ بینیت و ھەر دیسان ئەو ژی ژ روویێ قەبارەیی ڤە وەکو ڤێ کڤارکێ یا مەزن نەبو.
ئەڤرۆ نیوز:
پەیڤدارێ وەزارەتا کارەبا حوکمەتا ھەرێما کوردستانێ ئاشکرا کر ھەتا نوکە رەوشا کارەبێ ل ئەڤ سالە باشتر بیت ژ سالێن بوری.
زێدەتر محەمەد ھەورامی دیارکر ھەتا نوکە چو زانیاریێن دروست یێن نوو نینن ل سەر قەبارەیا بەرھەم ئینانا کارەبێ ل ھەرێما کوردستانێ تایبەت ل وەرزێ ھاڤینێ لێ نزیکترین دەم دێ کومبوونەکا تایبەت ل دۆر ڤێ رەوشێ ھێتە کرن و دێ ب فەرمی راگەھینن ل دۆر شیانێن بەرھەم ئینانا کارەبا ھەرێمێ.
ناڤھاتی ئەو چەندە ژی دیارکر کو کارەبا ئەڤ سالە دێ باشتر بیت ژ سالێن بوری و دێ دەمژمێرێن زێدەتر دەنە وەلاتیان ژ بەرکو نوکە ژێدەرێن کارەبا بەنداڤا دووکان و دەربەندیخان و یێن گازێ ژی زێدەبووینە.
ئەڤرۆ نیوز، عەلی حاجی :
دەزگایێ خێرخوازیێ بارزانیێ نەمر د پروژەیێ ئازیزانی کوردستان دا ل سنورێ دەڤەرا زاخۆ ھاریکاریێن ماددی ل سەر ٩٩ زارویێن بێ سەمیان بەلاڤ کر و دھێتە چاڤەرێکرن د پروژەیێ ئازیزان دا یا وەلاتێ ئیماراتێ ھاریکاری ل سەر ٥٠٠ زارویێن دیتر ژی بھێتە بەلاڤ کرن.
محەمەد مەھدی بەرپرسێ نڤیسینگەھا دەزگایێ بارزانیێ نەمر ل زاخۆ بۆ ئەڤرۆ نیوز ئاشکەرا کر مە دوو پروژە ھەنە ل دەزگایێ بارزانیێ نەرمر، پروژەیەک بناڤێ ئازیزانی ئیمارات، کو سەرمایەدارێن ئیماراتی کوژمەکێ پارەیی ھەر ٦ ھەیڤان جارەکێ رەوانە دکەن و ئەم وی موچەیی ل سەر زارووێن بێ سەمیان ل زاخۆ بەلاڤ دکەین ، پروژێ دووێ ژی ئازیزانی کوردستان کو ئەم کوژمێ پارەیی ژلایێ خێرخواز و سەرمایەدارێن کوردستانێ دھێتە رەوانە کرن بۆ ھەمان مەبەست.
ئەڤرۆ نیوز، عەلی حاجی :
د ماوێ روژەکێ دا دو روودانێن ترفیکی ل باژێرێ زاخۆ روویدانە و بیە ئەگەرێ وێ چەندێ کەسەک بریندار ببین و زیانێن مەزن ژی بەر ب ترومبێلان بکەڤن.
کومیسەر بەشیر یوسف ژ راگەھاندنا ھاتن و چوونا قەزا زاخۆ بۆ ئەڤرۆ نیوز دیار کر روودانا ئێکێ ل روژا پێنچ شەمبێ رێکەڤتی ٢٣/٦/٢٠١٩ بو ل دەمژمێر ٥ی سپێدێ، دناڤبەرا ترومبێلەکا ژ جورێ جێب تایبەت و ترومبێلەکا بارھەلگر، ئەڤ رووژدانە ژی ل تاخێ سەرێ گوندکی بو دناڤ سەنتەرێ باژێرێ زاخۆ، چەندین زیانێن مەزن بەر ب ترومبێان بکەڤن و بەلێ خوەش بەختانە گیان ب سلامەت بون.
ناڤبری زێدەتر گوت : روودانا دوێ ل ھەمان روژ بو ل دەمژمێر ٩:٣٠ سپێدێ ل جادا گرشینێ نێزیک کەمپا باجد کەندالا ، تورمبێلەکا پیک ئاپ تویوتا یا باھەلگر بو ، ئەگەرێ وێ روودانێ ژی ئەو بو کو ترومبێل ژ بن کونترولا شوفێری دا دەرکەڤت و وەرگەریا و بو ئەگەرێ وێ چەندێ زیانێن مەزن ب بەر ب ترومبێلێ بکەڤن و شوفێر ژی بریندار ببیت ، جاددا گرشینێ ئێک ژ وان جاددەیایە ژبەر خرابیا وێ جاددەیێ و قەرەبالغا ل سەر وێ جاددەیێ سالانە رێژەیەکا زور یا روودانان ل وێ جاددەیێ دروست دبن.
سویسرا، ئازاد گولەیی:
وەکو ھەر قارەمانیەکا جیھانیا تەنسێ، کومپانیێن تایبەت ب دروستکرنا کەرەستێن وەرزشی جھەکێ تایبەت دروستدکەن ھەر بۆ ھندێ ریکلاما خو بکەن وبفروشن وھەم بۆ ھندێ ھاریکاریا یاریکەر وراھێنەر وپشکدارا بکەن برێیا دروستکرن وچارەسەرکرنا کەرەستێن ڤێ یاریێ و ژوانا رێکێتێن تەنسێ.
دڤێ ڤیدیویێ دا چەوانیا دروستکرنا رێکێتێن تەنسێ دھێتە رونکرن کو ژلایێ ئێک ژ کومپانیێن تایبەت ل نێزیک جھێ قارەمانیا جنێف یاڤەکری یا تەنسێ دھێتە چێکرن و ئەڤرۆ نیوز ل وی جھی ئامادەبوو پێخەمەت دیارکرنا رێیێن چێکرنا وێ.
